فيلم استريس فيلم العيد
كتبت : لبني درويش
فيلم استريس للمخرج محمد عادل يعرض ثانى أيام العيد عرض خاص فيلم قصير بيناقش الضغوط اللى بيمر بيها الانسان والاستريس اللى بيتعرض ليه وازاى ممكن تواجه اى ضغوط نفسية محيطة وكيفيه التعامل معها وبخليك تعيد التفكير فى كل حاجة وتحاول انك تخرج مشاعرك وتعبر عن كل اللى جواك سواء بالكتابة انك تكتب كل ماتشعر به بالورقة والقلم او تعبر عن مابداخلك بالرسم .
الفيلم ناقش الاستريس اللى بيتعرض ليه الانسان بطريقه بسيطة وصلت الاحساس للجمهور لانه بيعبر عن كل واحد فينا ممكن انه يتعرض للضغط النفسي .
ده مش مجرد فيلم ده تجربة حقيقية لكل شخص مش عارف يعبر عن احساسه واللى بيشعر به.
الفيلم برعاية مهرجان الابتكار والتميز الدولى برئاسة الصحفية داليا عادل .
تأليف وإخراج المخرج الصاعد محمد عادل وتصوير محمد نور الدين وإنتاج تياترو للفنون .وبطوله مجموعة من الشباب .
تم العرض الأول بالربع الثقافى فى شارع المعز بحضور الفنان أحمد الحلوانى وبعض الصحفيين والاعلاميين والشخصيات العامة .
